Tiberius etiam ad rapinas convertit animum. Satis costat Cneium Lentulum augurem metu et angore ad fastidium vitae ab eo actum esse; condemnatam esse et generosissimam feminam, Lepidam, in gratiam Quirini consularis, praedivitis et orbi, qui dimissam eam e matrimonio post vicesimum annum veneni olim in se comparati arguebat; praeterea Galliarum et Hispaniarum Syriaeque et Graciae principes confiscatos esse; plurimis etiam civitatibus et privatis veteres imunitates er ius metallorum ac vectigalia adempta esse; et Vononem, regem Parthorum, qui pulsus a suis quasi in fidem populi Romani cum ingenti gaza Antiochiam se receperat, spoliatum esse perfidia et occisum esse.
