LA DETRONIZZAZIONE DI CRONO
versione greco Apollodoro
traduzione libro Gymnasion
Επειδη Ζευς εγενηθη τελειος, λαμβανει Μητιν την Ωκεανου συνεργον, η διδωσι Κρονω καταπιειν φαρμακον, υφ' ου εκεινος αναγκασθεις πρωτον μεν εξεμει τον λιθον, επειτα τους παιδας ους κατεπιε· μεθ' ων Ζευς τον προς Κρονον και Τιτανας εξηνεγκε πολεμον. Μαχομενων δε αυτων ενιαυτους δεκα, η Γη τω Διι εχρησε την νικην, τους καταταρταρωθεντας εαν εχη συμμαχους· ο δε την φρουρουσαν αυτων τα δεσμα Καμπην αποκτεινας ελυσε. Και Κυκλωπες τοτε Διι μεν διδοασι βροντην και αστραπην και κεραυνον, Πλουτωνι δε κυνεην, Ποσειδωνι δε τριαιναν οι δε τουτοις οπλισθεντες κρατουσι Τιτανων και καθειρξαντες αυτους εν τω Ταρταρω τους Εκατογχειρας καθιστασι φυλακας. Αυτοι δε διακληρουνται περι της αρχης, και λαγχανει Ζευς μεν την εν ουρανω δυναστειαν, Ποσειδων δε την εν θαλαττη, Πλουτων δε την εν Αιδου.