Cato quaestor in insulam Cyprum a senatu missus est ad colligendam pecuniam Ptolomaei regis, a quo populus Romanus heres institutus erat. Integerrima fide eam rem administravit. Pecuniae summa longe maior erat quam quisque putaverat. Fere septem milia talentum navibus imposuit Cato; atque ad naufragii pericula vitanda, singulis vasis, in quibus inclusa erat pecunia cortex supernatans indicaret. Catoni a senatu gratiae atque praetura illi et ius spectandi ludos praetextato data sunt. Quem honorem Cato noluit accipere, iniquum esse affirmans sibi decerni quod nulli alii tribueretur.
