Ο δε Αβροκομης διανυσας τον απ' Αιγυπτου πλουν εις αυτην μεν Ιταλιαν ουκ ερχεται, το γαρ πνευμα την ναυν απωσαν του μεν κατ' ευθυ απεσφηλε πλου, ηγαγε δε εις Σικελιαν και κατηχθησαν εις πολιν Συρακουσας μεγαλην και καλην. Ενταυθα ο Αβροκομης γενομενος εγνω περιιεναι την νησον και αναζητειν ετι περι Ανθιας ει τι πυθοιτο. Και δη ενοικιζεται πλησιον της θαλασσης παρα ανδρι Αιγιαλει πρεσβυτη, αλιει την τεχνην. Ουτος ο Αιγιαλευς πενης μεν ην και ξενος και αγαπητως αυτον διετρεφεν εκ της τεχνης· υπεδεξατο δε τον Αβροκομην ασμενος και παιδα ενομιζεν αυτου και ηγαπα διαφεροντως.